BREAKING NEWS
election-india

தேர்தலில் போட்டியிடும் வேட்பாளர்கள் தங்கள் குற்ற ஆவணங்களை ஊடகங்களில் விளம்பரப்படுத்த வேண்டும்

30

தேர்தலில் போட்டியிடும் வேட்பாளர்கள் தங்கள் குற்ற ஆவணங்களை ஊடகங்களில் விளம்பரப்படுத்த வேண்டும் என்று இந்திய தேர்தல் ஆணையம் அறிவித்துள்ளது.
தங்கள் மீது காவல்துறை வழக்கு நிலுவையில் இருந்தால் அது பற்றிய விபரங்கள், தண்டிக்கப்பட்டு இருந்தால் அது குறித்த தகவல்கள் அனைத்தையும் முன்னணி நாளிதழ்கள் மற்றும் தொலைக்காட்சிகளில் குறைந்தபட்சம் 3 நாட்களுக்காவது விளம்பரம் செய்ய வேண்டும் என்று தேர்தல் ஆணையம் அறிவித்துள்ளது.
குற்ற நடவடிக்கைகள் அல்லது வழக்குகள் இல்லாத வேட்பாளர்கள் என்றால், அது குறித்த தகவல்களையும் அந்த வேட்பாளர் விளம்பரம் செய்திருக்க வேண்டும் என்று தெரிவித்துள்ளது.
இதைப்போன்று தங்கள் கட்சி சார்பில் போட்டியிடும் வேட்பாளர்களின் குற்ற ஆவணங்களை சம்பந்தப்பட்ட கட்சித்தலைமையும் விளம்பரப்படுத்த வேண்டும் என்று தெரிவிக்கப்பட்டுள்ளது.
அது குறித்த தகவல்களை தங்கள் இணையதளத்தில் வெளியிட்டு இருக்க வேண்டும். தவறும் கட்சிகள் மீது அங்கீகாரம் இரத்து, இடைநீக்கம் போன்ற நடவடிக்கைகள் எடுக்கப்படும் என தேர்தல் ஆணையம் அறிவித்துள்ளது.




Leave a Reply

Your email address will not be published. Required fields are marked *