முக்கிய செய்திகள்

இந்த ஆண்டில் ‘எல் நினோ’வின் தாக்கம் 50% அதிகமாக இருக்கும்: ஆஸ்திரேலிய வானிலை மையம் எச்சரிக்கை

873

எல் நினோ’ எனப்படும் பருவநிலை மாற்றம் காரணமாக மழை காலத்தில் அளவுக்கு அதிகமான மழை பொழிவதுடன், கோடை காலத்தில் தீவிரமான வெயில் வாட்டி வதைக்கும். இதனால் அளவுகடந்த வறட்சி, வெயில், மழை ஆகியவை ஏற்படுகிறது.கடந்த 2015-ம் ஆண்டின் சென்னை மழை, வெள்ளத்திற்கு எல் நினோவும் முக்கியக் காரணமாகும்.

இந்நிலையில், 2017-ம் ஆண்டில் ‘எல் நினோ’வின் தாக்கம் 50% அதிகமாக இருக்கும் என ஆஸ்திரேலிய வானிலை ஆய்வு மையம் அறிவித்துள்ளது. இதுகுறித்து வானிலை மையம் வெளியிட்டுள்ள செய்தியில் “கிழக்கு பசிபிக் பெருங்கடலில் கடந்த 15 நாட்களாக வெப்பம் தொடர்ந்து அதிகரித்து வருகிறது. இந்த வருடம் எல் நினோவின் தாக்கம் 6 மாதங்களுக்கு மேல் இருக்கும்” என தெரிவிக்கப்பட்டுள்ளது.

இந்த எல் நினோவின் தாக்கத்தால் பசிபிக் பெருங்கடலுக்கு உட்பட்ட பகுதிகளில் சராசரிக்கும் அதிகமான வெப்பம், வறண்ட வானிலை நிலவும் என கூறப்படுகிறது.




Leave a Reply

Your email address will not be published. Required fields are marked *