கோத்தபாயவைக் காப்பாற்றுவதற்கு முனைந்தால் அதனை கூட்டமைப்பு வன்மையாக கண்டிக்கும்.

1091

கடந்த அரசாங்கத்தின் ஆட்சிக்காலத்தில் இழைக்கப்பட்ட அநீதிகளுக்கு நீதி கிடைக்க வேண்டுமே தவிர, அதனை விடுத்து முன்னாள் பாதுகாப்புச் செயலாளர் கோட்டாபய ராஜபக்ச, முன்னாள் கடற்படை தளபதிகள் மற்றும் இராணுவத்தினரை காப்பாற்றும் முயற்சியில் சனாதிபதி ஈடுபட்டால், தமிழ்த் தேசியக் கூட்டமைப்பு அதனை வன்மையாக கண்டிக்கும் என்று கூட்டமைப்பின் நாடாளுமன்ற உறுப்பினர் மாவை சேனாதிராஜா தெரிவித்துள்ளார்.

கோட்டாபாய ராஜபக்ச மற்றும் முன்னாள் கடற்படை தளபதிகளை விசாரணைக்கு அழைத்திருந்தமை தொடர்பில்  கடும் அதிருப்தியை வெளியிடுவதாக அண்மையில் இடம்பெற்ற நிகழ்வொன்றில் சனாதிபதி குறிப்பிட்டிருந்தமை தொடர்பில் கருத்துத் தெரிவித்தபோதே அவர் இவ்வாறு கூறியுள்ளார்.

பாரிய ஊழலில் ஈடுபட்டவர்களையும் குற்றமிழைத்தவர்களையும் பாதுகாப்பதற்காக மக்கள் வாக்களிக்கவில்லை எனவும் குறிப்பிட்ட அவர், சனாதிபதி எதற்காக அவ்வாறானதொரு கருத்தை தெரிவித்தார் என்பதை தெரிந்துகொள்வது அவசியம் எனவும் குறிப்பிட்டுள்ளார்.

கடந்த ஆட்சியில் இம்பெற்ற விடயங்களுக்கு நீதி கிடைப்பதோடு, நடந்தவை மீண்டும் நடக்காமல் இருக்கவே தமிழ் மக்கள் உள்ளிட்டோர் ஆட்சி மாற்றத்திற்காக வாக்களித்தனர் என்றும், அதனால் மக்களின் நம்பிக்கையை வீணடிக்கும் வகையில் சனாதிபதி செயற்படக் கூடாது என்றும் மாவை சேனாதிராஜா வலியுறுத்தியுள்ளார்.




Leave a Reply

Your email address will not be published. Required fields are marked *