சுமந்திரனுக்கு கொரோனா இல்லையாம்

94

நாடாளுமன்ற உறுப்பினர் ரவூப் ஹக்கீமுடன் தொடர்பைப் பேணியதாக அறியப்பட்ட நாடாளுமன்ற உறுப்பினர்களான எம்.ஏ.சுமந்திரன் மற்றும் தலதா அத்துகோறள ஆகியோருக்கும் கொரோனா தொற்று உறுதிப்படுத்தப்படவில்லை என தெரிவிக்கப்பட்டுள்ளது.

நாடாளுமன்ற உறுப்பினர் ரவூப் ஹக்கீம் கொரோனா தொற்றுக்கு உள்ளானமை உறுதிப்படுத்தப்பட்டதை அடுத்து அவரோடு தொடர்புகளைப் பேணிய அமைச்சர்கள் மற்றும் நாடாளுமன்ற உறுப்பினர்களும் தனிமைப்படுத்தப்பட்டனர்.

அத்தோடு, அவர்களுக்கு பி.சீ.ஆர். பாசோதனைகளும் முன்னெடுக்கப்பட்டன.

இந்த நிலையில், இதுவரையில் வெளியாகியுள்ள பி.சி.ஆர் முடிவுகளின் பிரகாரம், நாடாளுமன்ற உறுப்பினர் கயந்த கருணாதிலக்கவுக்கு கொரோனா தொற்று உறுதிப்படுத்தப்படவில்லை என தெரிவிக்கப்படுகின்றது.

கடந்த 5ஆம் திகதி இடம்பெற்ற நாடாளுமன்ற அமர்வின்போது நாடாளுமன்ற உறுப்பினர் ஹக்கீமுடன் நெருங்கிய தொடர்புடையவராக அடையாளம் காணப்பட்டவர்களில் இவரும் ஒருவர் என்பது குறிப்பிடத்தக்கது.




Leave a Reply

Your email address will not be published. Required fields are marked *