வட கொரியாவைத் தொடர்பு கொள்ளும் அமெரிக்காவின் முயற்சிக்கு பியோங்யாங் இதுவரை பதிலளிக்கவில்லை என தகவல்கள் வெளியாகியுள்ளன.
கடந்த மாத நடுப்பகுதியிலிருந்து இராஜதந்திர முறையில் வட கொரியாவைத் தொடர்பு கொள்ள மேற்கொள்ளப்படும் முயற்சிக்கு உரிய பதில் கிடைக்கவில்லை என ஜோ பைடன் நிர்வாகத்தின் மூத்த அதிகாரி ஒருவர் குறிப்பிட்டுள்ளார்.
முயற்சி தகுந்த பலனைத் தராவிட்டாலும், வட கொரியாவைத் தொடர்பு கொள்ள முயன்றது குறித்து முதன்முறையாக வொஷிங்டன் தகவல் வெளியிட்டுள்ளது.
பியோயாங் உரிய பதில் வழங்கவில்லை என்பதால், வட கொரியாவின் அணுவாயுத மிரட்டல், ஏவுகணைத் திட்டங்கள் போன்றவற்றை ஜோ பைடன் நிர்வாகம் எவ்வாறு கையாளப் போகிறது என்பது குறித்த கவலை தற்போது எழுந்துள்ளது.
