யேமனை சேர்ந்த 60-க்கும் மேற்பட்ட அகதிகள் பயணம் செய்த படகு ஒன்று ஜரோப்பா நோக்கி சென்ற கொண்டிருந்த போது விபத்துக்குள்ளாகியுள்ளது.
ஜிபூட்டி அருகே, கடலில் நடந்த இந்த விபத்தில் படகில் இருந்த அனைவரும் நீரில் மூழ்கியுள்ளனர்.
தகவல் அறிந்து ஜிபூட்டி கடலோர காவல் படையினர் சம்பவ இடத்துக்கு விரைந்து சென்று 14 பேரை உயிருடன் மீட்டுள்ளனர்.
எனினும், பெண்கள், சிறுவர்கள் உட்பட 42 பேர் நீரில் மூழ்கி உயிரிழந்துள்ளனர் என்றும், மேலும் சுமார் 10 பேர் காணாமல் போயுள்ளதாகவும் அறிவிக்கப்பட்டுள்ளது.
